"Нэрт зохиол ба сонгодог бүтээл-Өнгөт Гүйжөүгийн өгөөмөр салхи" уран сайхны тоглолт болж өндөрлөлөө.

Улаанбаатар дахь Хятадын соёлын төв, Хятадын Гадаад соёлын солилцооны төв, Гүйжөү мужийн Дуу бүжгийн чуулгын хамтран зохион байгуулсан "Нэрт зохиол ба сонгодог бүтээл-Өнгөт Гүйжөүгийн өгөөмөр салхи" уран сайхны тоглолт 9-р сарын 20-нд Улсын дуурь бүжгийн эрдмийн театрт боллоо.

Тус тоглолтонд БНХАУ-аас Монгол Улсад суугаа Элчин сайдын яамны соёлын зөвлөх бөгөөд Улаанбаатар дахь Хятадын соёлын төвийн дарга Ли Вэй болон Монгол Улсын урлагийн ажилтны холбооны ерөнхийлөгч, Монгол улсын гавьяат жүжигчин Тунгалаг тэргүүтэй хүмүүс уригдан ирсэн.

Гүйжөү мужийн Дуу бүжгийн чуулгын уран сайханчид хамтын дуу бүжиг-"Өнгөт Гүйжөүгийн өгөөмөр салхи", эрэгтэй гоцлол дуу-"Хайрт эгч маань голын хөвөөнд хувца сугааж сууна", Дүн үндэстний хослол бүжиг-"Модны аялгуу" зэрэг орон нутгийн болон үндэстний өвөрмөц онцлог бүхий тоглолт хийж, Улаанбаатарын 500 гаруй хүн үзсэн байна.

Эдгээр тоглолт түүхэн ороо бусгаа үеийг туулан, өнөр баялаг өв соёлоо дээдлэн хамгаалж, уламжлан хөгжүүлж ирсэн Гүйжөүгийн уугуул иргэдийн үндэстэний ой санамж, нандин өв мөн бөгөөд Мяо, Бү-И, Дүн, И, Шүй зэрэг Хятадын цөөнхүүдийн хайр сэтгэл, ахуй амьдралын хэв маягийн илэрхийлэл юм.
       Одоогийн байдлаар, "Нэрт зохиол ба сонгодог бүтээл-Өнгөт Гүйжөүгийн өгөөмөр салхи" уран сайхны тоглолтыг нийт 3000 гаруй удаа тоглож, 3 сая үзэгчийн хүртээл болгосон байна.