“Хятадын хөгжил дэвшил 2017” фото зургийн үзэсгэлэн болж өнгөрлөө

Бүгд Найрамдах Хятад Ард Улс байгуулагдсаны 68 жилийн ойн баярыг тохиолдуулан Улаанбаатар дахь Хятадын соёлын төв “Хятадын хөгжил дэвшил 2017”фото зургийн үзэсгэлэнг зохион байгууллаа. Хайнань мужийн намын төв хорооны сурталчилгааны албын дэд дарга Лин Гуанчянь тэргүүтэй Хайнаний уран бүтээлчид, Монголын урлагийн ажилтны холбооны ерөнхийлөгч Тунгалаг тэргүүтэй зочид төлөөлөгчид, Монгол улсын боловсролын их сургууль болон санхүү эдийн засгийн их сургуулийн оюутнууд зэрэг 100 гаруй хүн тус үзэсгэлэнд хүрэлцэн ирсэн.

Тус арга хэмжээг нээн Улаанбаатар дахь Хятадын соёлын төвийн орлогч дарга Хасбагана үг хэлэв.

Мөн Хайнань мужийн намын төв хорооны сурталчилгааны албын дэд дарга Лин Гуанчянь Монголд ирсэн сэтгэгдлээ хүрэлцэн ирсэн зочидтой хуваалцсан юм.

Монгол урлагийн ажилтны холбооны ерөнхийлөгч, МУГЖ Тунгалаг алс хол Хайнаниас хүрэлцэн ирсэн уран бүтээлчдэд чин сэтгэлийн халуун баяр хүргэж, 26-ны өдөр болох “Улаанбаатар дахь Хайнаний үдэш”тоглолтонд амжилт хүслээ.

Хайнаний үндэсний дуу бүжгийн чуулгын хамт олон Улаанбаатар дахь Хятадын соёлын төвд Хятад уран зургийг дурсгав.

Мөн удахгүй болох ургацын баярыг тохиолдууланУлаанбаатар дахь Хятадын соёлын төв оюутан залууст соёлын төвөө танилцуулж,еэвэнгийн амталгаа явуулсан байна.