"Цаг улирлын амьдрал" танин мэдэхүйн арга хэмжээ хаалтаа хийлээ

Хятадын хорин дөрвөн улирлын  танин мэдэхүйн арга хэмжээ  өнөөдөр хаалтаа хийлээ. Хаалтын арга хэмжээнд БСШУС-ын сайд Ц.Цогзолмаа, БНХАУ-аас Монгол Улсад суугаа Элчин сайд Шин Хаймин, соёлын зөвлөх бөгөөд Улаанбаатар дахь Хятадын Соёлын төвийн дарга Ли Вэй зэрэг албаны хүмүүс оролцлоо.

Хятадын “Хорин дөрвөн цаг улирал, Хятадууд нарны жилийн эргэх хөдөлгөөнийг ажиглан цаг хугацааны системийг бий болгож ашиглах нь” хэмээх санаачилга ЮНЕСКО-гийн биет бус соёлын өвийн жагсаалтад 2016 онд  багтсан байна.

Хятадын хорин дөрвөн цаг улирал нь газар тариаланг зохицуулан явуулахад хэрэглэдэг цаг хугацааны тоолол аж. Энэ нь өдгөө 2000 гаруй жилийн түүхтэй юм байна. Уг цаг тоолол нь жилийн цаг уурын өөрчлөлтийн илрэл бөгөөд хаврын уриар эхэлж, их хүйтнээр төгсдөг.

Түүнчлэн  энэхүү арга хэмжээний гол зорилго нь өөр хоорондоо адилгүй соёлтой олон улсын иргэдэд байгаль дэлхийгээ хүндэлж, байгалийн хуулиа даган амьдардаг дорнын ухааныг цаг улирлаар дамжуулан таниулж, Хятадын үндэсний уламжлалт цаг улирлын соёлыг хуваалцахад орших ажээ.