Хятадын соёлыг хэн сайн мэдэх вэ? 4 төрлийн уралдаант тэмцээн болж өндөрлөлөө

   2 сарын 28-ны өдөр Улаанбаатар дахь Хятадын соёлын төв, Монголын үндэсний их сургуультай хамтран Хятадын соёлыг хэн сайн мэдэх вэ? 4 төрлийн уралдаант тэмцээнийг амжилттай зохион байгууллаа. Тус удаагийн арга хэмжээ нь Хятадын соёлын төв болон Монголын үндэсний их сургуулийн хамтран зохион байгуулж буй хоёр дахь арга хэмжээ юм.

   Уралдаант тэмцээний сүүлийн шатанд төрөл бүрт 4 оюутан шалгарсан бөгөөд Хятад дуу, хөгжим, илтгэл, уран зураг төрлөөр ур ухаанаа өрсөлдүүлэн өргөмжлөл болон мөнгөн шагналын эзэн болсон юм.

   Тэмцээний шагналыг БНХАУ-аас Монгол Улсад суугаа ЭСЯ-ны соёлын зөвлөх бөгөөд Улаанбаатар дахь Хятадын соёлын төвийн захирал хатагтай ЛиВэй, гүйцэтгэх захирал ноён Хасбагана болон Монголын үндэсний их сургуулийн захирал хатагтай Дашдолгор, соёл боловсрол хариуцсан захирал ноён Шийрэв нар гардуулсанаар тэмцээн өндөрлөсөн.