Шин Хаймин сайд Монголын Үндэсний их сургууль дээр илтгэл тавилаа

БНХАУ-аас Монгол Улсад суугаа Онц бөгөөд Бүрэн эрхт Элчин сайд ноён Шин Хаймин 2018 оны 03 сарын 27-ны өдөр Монголын Үндэсний их сургууль дээр зочлон, оюутнуудад илтгэл тавилаа.

Тус арга хэмжээг Улаанбаатар дахь Хятадын соёлын төв болон Монголын Үндэсний их сургууль хамтран зохион байгуулав. Арга хэмжээнд БНХАУ-аас Монгол Улсад суугаа ЭСЯ-ны соёлын зөвлөх бөгөөд Улаанбаатар дахь Хятадын соёлын төвийн дарга хатагтай Ли Вэй, улс төрийн зөвлөх ноён Ли Янжун, Монголын үндэсний их сургуулийн захирал хатагтай Дашдолгор тэргүүтэй зочид төлөөлөгчид оролцлоо.