"Хятадын соёлын өдөр" арга хэмжээ болж өндөрлөлөө

Улаанбаатар дахь Хятадын соёлын төв, Санхүү эдийн засгийн их сургууль хамтран зургаа дахь удаагаа Хятадын соёлын өдөр арга хэмжээг 2018 оны 04 сарын 13-ны өдөр зохион байгууллаа. Тус арга хэмжээ нь уран илтгэл, уран бичлэг, сонсож бичих болон дуу бүжиг хэмээх дөрвөн төрөлт тэмцээнээр явагдсан юм. Тус тэмцээнд Санхүү эдийн засгийн их сургуулийн хос хөтөлбөр буюу Даляаний их сургуультай хамтарсан хөтөлбөрийн оюутнууд оролцон ур чадвар, авьяас ухаанаа уралдуулсан юм.

Тэмцээнийг эхлүүлж Улаанбаатар дахь Хятадын соёлын төвийн гүйцэтгэх захирал Хасбагана үг хэлэн мэндчилж, нийт Хятад хэлийг шамдан суралцаж буй оюутнуудад сурлага хөдөлмөрийн өндөр амжилт хүслээ.