"Нэг бүс, Нэг зам" Хятадын гар урлал болон урлагийн бүтээлүүд Улаанбаатар дахь Хятадын соёлын төвд

7-р сарын 25-ны өдөр, "Нэг бүс, Нэг зам" Хятадын гар урлалын болон урлагийн бүтээлийн дэлхий дахины үзэсгэлэн 1-р зогсоол: "Ли Шуй гурван эрдэнэ" үзэсгэлэн Монголд үйл ажиллагаа Улаанбаатар дахь Хятадын соёлын төвд амжилттай болж өндөрллөө. Тус арга хэмжээнд, БНХАУ-аас Монгол улсад суух онц бөгөөд бүрэн эрхэт элчин сайд Шин Хай Мин, Монгол улсын иргэдийн төлөөлөгчдийн хурлын дарга Амарсайхан, Монгол улсын боловсрол соёл шинжлэх ухааны ерөнхий нарийн бичгийн дарга Нямочир, БНХАУ-аас Монгол улсад суух эслчин сайдын зөвлөх Янь Чин Дунг, БНХАУ-с Монгол улсад суух элчин сайдын яамны соёлын зөвлөх мөн Улаанбаатар дахь Хятадын соёлын төвийн захирал хатагтай Ли Вэй, улс төрийн зөвлөх Ли Янь Жун, Улаанбаатар дахь Хятадын соёлын төвийн орлогч дарга Хасбагана тэргүүтэй 100 гаруй хүн оролцсон байна.

Тус үзэсгэлэнгийн нээлтийн үеэр элчин сайд Шин Хай Мин болон НИТХ-н дарга Амарсайхан болоод бусад төлөөлөгч нар үг хэлж, "Ли Шуй гурван эрдэнэ"-ыг танилцуулахын сацуу хоёр орны хамтын ажиллагаа нөхөрсөг арга хэмжээ жил ирэх тусам нэмэгдэж хөгжин тэлж байгаад баяртай байгаа хэмээн мэдэгдсэн байна.

Энэхүү арга хэмжээг зохион байгууллахад Улаанбаатар дахь Хятадын соёлын төв, Монгол улс дахь Жунхуа ерөнхий худалдааны хороо, Монгол улсын соёлын яам, Ли шуй хотын соёл урлагын газар тэргүүтэй маш олон байгууллага дэмжлэг үзүүлсэн ба  Өдрийн сонин, Шинхуа ангентлаг, Монгол улсын телевизүүд энэ удаагын үзэсгэлэнгийн 27 уран бүтээлчийн нийт 32 бүтээлийг газар дээрээс нь сурвалжилж танилцуулсан билээ.

Ийнхүү "Нэг бүс, Нэг зам" Хятадын гар урлалын болон урлагын бүтээлийн дэлхий дахины үзэсгэлэнгийн 1-р зогсоол: "Ли Шуй-ийн гурван эрдэнэ" үзэсгэлэн Монголд үйл ажиллагаагаа амжилттай зохион байгуулсан бөгөөд Хятад Монгол хоёр орны соёлын хамтын хөгжлийг ахин нэг шатаар ахиулж мөн Хятад улсын уламжлалт соёлыг дэлхий дахинд түгээн дэлгэрүүлсэн юм. Үзэсгэлэнгийн 2 болон 3 дахь зогсоолыг үргэлжлүүлэн хийх бөгөөд дэлхийн бүх улс орнууд соёлоо солилцон хамтдаа хөгжихийг уриалж байна.