“ХЯТАД УЛСЫГ ТАНИН МЭДЭХ”СЭДЭВТ СОЁЛ, АЯЛАЛ ЖУУЛЧЛАЛЫН ДОЛОО ХОНОГ
“ХЯТАД УЛСЫГ ТАНИН МЭДЭХ” СЭДЭВТ ЖИЛИНЬ МУЖИЙН СОЁЛ, АЯЛАЛ ЖУУЛЧЛАЛЫН ДОЛОО ХОНОГ ТУН УДАХГҮЙ МОНГОЛД ЗОХИОН БАЙГУУЛАГДАХ ГЭЖ БАЙНА.
Монгол орны хувьд 9 дүгээр сар гэдэг намрын сэрүүн орж, уур амьсгал нэн таатай болсон байдаг үе билээ. Ургац хураах алтан намрын энэхэн үеээр урд зүгийн хөрш орон болох БНХАУ-аас “Хятад улсыг танин мэдэх” сэдэвт Жилинь мужийн соёл, аялал жуулчлалын долоо хоног тун удахгүй зохион байгуулагдах гэж байна. 9-р сарын 22-ны өдрөөс эхлэн Улаанбаатар хот дахь Хятадын соёлын төвд “Хятад улсыг танин мэдэх” сэдэвт Жилинь мужийн соёл, аялал жуулчлалын долоо хоногийн нээлтийн арга хэмжээ, Жилинь мужийн хэвлэлийг Монгол хэлнээ хөрвүүлэх анхны арга хэмжээ, “Жилиний номын цонх” нээлтийн арга хэмжээ, биет бус соёлын өвийн бүтээл, биет бус соёлын өвийг тээгчдийн үзүүлбэр зэрэг үйл ажиллагааг тус тус зохион байгуулна. Дашрамд дуулгахад, 9-р сарын 22-ны орой БНХАУ-ын томоохон үндэсний хөгжмийн ассамблейн “Өлзий буянт нутаг”, “Хятад улсыг танин мэдэх- Үзэсгэлэнт Жилинь муж” аялал жуулчлалын зургийн үзэсгэлэнг Улаанбаатар хотын Соёлын төв ордонд зохион байгуулах болно.
Энэ удаагийн соёл, аялал жуулчлалын долоо хоногийн гол бүрэлдэхүүн хэсгийн хувьд “Өлзий буянт нутаг” үндэсний ассамблей 7 гол үзүүлбэрээ үзүүлж, БНХАУ-ын зүүн хойд бүсийн хөгжмийн өнгө төрх, дотоод агуулгыг бидэнд харуулж өгөх юм. Эдгээрийн дундаас хамгийн гол үзүүлбэр бол Пипа хөгжмийн концерт юм. Энэхүү хөгжим нь БНХАУ-ын үндэсний хөгжим болон европын хөгжмийн гайхамшигт аялгууг нэгтгэн, Жилинь мужийн үзэсгэлэнт уул толгод, гол мөрөн, ард түмний аж амьдрал, үзэл бодол, уужуу тайван сэтгэл зүйг тодорхой харуулан, БНХАУ-даа сайн сайхан ирээдүйг хүсэн ерөөх утга агуулгатай юм. “Өлзий буянт нутаг” нь БНХАУ-ын зүүн хойд бүс нутгийн онцлог, гүндүүгүй сайхан зан, зүүн хойд нутгийн соёлын өнгө аясыг тогтоож өгсөн нь үзэгч олны сэтгэл санааг улам илүү гал цогоор бадрааж, БНХАУ-ын зүүн хойд бүсийн ардын урлагийн талаар үзэгч олон түмэндээ гүн сэтгэгдэл үлдээх зорилготой юм.
Үүнээс гадна бид бүхэн Монгол улсын Төв аймагт Монгол-Хятадын урлагийн хамтарсан тоглолт арга хэмжээг зохион байгуулж, Улаанбаатар хотын халамжийн байгууллагуудад сэтгэл санааны дэмжлэг үзүүлэх тоглолт хийн, Монгол улсын ард түмнийг бидэнд хандах найрсаг нөхөрсөг сэтгэлийг улам илүү нэмэгдүүлж өгөхийг зорьж байгаа билээ.
|
|
