ХЯТАД ХЭЛНИЙ ТЭМЦЭЭН БОЛЛОО

       Улаанбаатар дахь Хятадын соёлын төв нь Улаанбаатар Эрдэм их сургуультай хамтран 03 дугаар сарын 28-ны өдөр  Хятад хэлний тэмцээнийг амжилттай зохион байгууллаа.  Энэхүү тэмцээнд тус сургуулийн хятад хэлний багш оруулагчийн ангийн 20 гаруй оюутан уран уншлага,дуу, ханз бичлэг гэсэн төрөлд уралдаж,  авъяас чадвараа сорьсон юм.

      Тэмцээнд Улаанбаатар дахь Хятадын соёлын төвийн гүйцэтгэх захирал Хасбагана, Улаанбаатар Эрдэм их сургуулийн ректор доктор професор Д.Алимаа нар оролцож, төвийн менежер Хурцбаатар шүүгчээр ажиллалаа.

        Улаанбаатар дахь Хятадын соёлын төвийн гүйцэтгэх захирал Хасбагана тэмцээний нээлтийн үеэр үг хэлэхдээ, энэхүү зохион байгуулж буй Хятад хэлний тэмцээн нь хятад хэл сурч буй оюутнуудын мэдлэг чадварыг дээшлүүлэх,Хятад Монгол хоёр орны соёлын солилцоог бэхжүүлж, Хятад соёлтой Монголын залуучуудыг танилцуулж, танин мэдэхэд дэмжлэг үзүүлж буйн илрэл юм.  Ингээд тэмцээний нийт оролцогч болон шүүгч нарт амжилт хүсье гэлээ.

              Хятад хэлний тэмцээний дуу болон уран уншлагийн төрөлд тус бүр 6 байр, ханз бичгийн төрөлд 3  байрыг тус тус шалгаруулав.