“Эрдмийн гүүр 2019” Хятад хэлний анхдугаар олимпиадын шилдгүүдэд шагнал гардууллаа

    Улаанбаатар дахь Хятадын соёлын төв Эрдмийн гүүр хятад хэлний сургалтын төвтэй хамтран зохион байгуулсан “Эрдмийн гүүр 2019” Хятад хэлний олимпиадын шилдгүүдэд шагнал гардуулах ёслолын ажиллагааг 2019 оны 06 дугаар сарын 02-ны өдөр Улаанбаатар дахь Хятадын соёлын төв дээр зохион байгууллаа.   

БНХАУ-аас Монгол улсад суугаа ЭСЯ-ны соёлын зөвлөх бөгөөд Улаанбаатар дахьХятадын соёлын төвийн ерөнхий захирал Ли Вэй, тус төвийн дэд захирал Хасбагана, БНХАУ-аас Монгол улсад суугаа ЭСЯ-ны Соёлын газрын нарийн бичиг Хүчирхэг, Эрдмийн гүүр хятад хэлний сургалтын төвийн захирал Манлайхүү, МУИС-ийн Күнзийн тэнхимийн Хятад талын захирал Бао Ай Дун, МУИС-ийн Ази судлалын тэмхимийн захирал болон Монголын хятад хэлний багш нарын холбооны дарга Батмаа зэрэг зочид энэхүү арга хэмжээнд хүрэлцэн ирж оролцлоо. Нээлтийн үеэр Улаанбаатар дахь Хятадын соёлын төвийн ерөнхий захирал Ли Вэй болон Эрдмийн гүүр хятад хэлний сургалтын төвийн захирал Манлайхүү нар тус тус үг хэллээ.

    Ли Вэй зөвлөх БНХАУ-аас Монгол улсад суугаа Элчин сайд Шин Хай Минийг төлөөлж энэ удаагийн Хятад хэлний олимпиадыг амжилттай зохион байгуулсанд баяр хүргэж, шагнал авсан сурагчдыг хятад хэлээ үргэлжлүүлэн хичээн сурч, Хятад Монгол хоёр орны хүмүүнлэгийн харилцааны элч болоод гүүр нь болохын төлөө чармайж сурахыг хүслээ. Ли Вэй зөвлөх мөн энэ удаагийн Хятад хэлний олимпиад анхан, дунд, гүнзгий гэсэн 3 төрөлд тус тус хувааж, тэмцээнд оролцогчид дунд сургуулийн өөр өөр насны сурагчид байсан нь тун ач холбогдолтой хэлбэр байлаа. Энэ жил Хятад Монгол хооронд дипломат харилцаа тогтоосны 70 жилийн ой юм. Энэхүү үйл ажиллагаан нь ч өвөрмөц тэмдэглэлт зүйл болж байна гэлээ.   

        Монголын Эрдмийн гүүр Хятадын хэлний сургалтын төвийн захирал Манлайхүү арга хэмжээнд хүрэлцэн ирсэн зочдод талархлаа илэрхийлээд угХятад хэлний олимпиадын зохион байгуулалт болон тэмцээний хэв маягийг танилцуулсан юм. Тус Хятад хэлний олимпиад нь Монгол улсад анх удаагаа зохион байгуулагдсанаар онцлогтой байв. Цаашид үргэжлүүлэн зохион байгуулж, ирэх жил их сургуулийн оюутнуудыг хамруулж, илүү өргөн хүрээ, агуулгатай болгох юм байна.   

“Мэдлэгийн гүүр 2019” Хятад хэлний олимпиадыг Улаанбаатар дахь Хятадын соёлын төв болон Эрдмийн гүүр Хятад хэлний сургалтын төв хамтран зохион байгуулсан юм.   Тэмцээнд улсын болон хувийн 32 дунд сургуулийн дунд ангийн 166 сурагч оролцлоо. Тэмцээний шалгаруулалтыг 05 дугаар сарын 25-ны өдөр хийсэн юм. Уралдаан анхан, дунд, гүнзгий гэсэн гурван төрлөөс 1,2,3-р байр болоод шилдэг нэг оролцогчийг шалгаруулсан юм. Тэмцээний шилдгүүдэд шагнал гардуулсаны дараа хамтдаа дурсгалын зураг татуулав.